Vista a enorme calidade das ilustracións dos poemas no concurso “Primavera poética” convocado polos EDLG do CMUS e a EOI de Lugo no marco do proxecto “Música e Poesía: movendo a lingua”, resolvemos agasallar a dúas das persoas participantes en cadansúa categoría. Os traballos serán expostos nos nosos centros en breve.
Parabéns!
Esta semana anunciamos a publicación dos novos podcasts do proxecto "Música e poesía: movendo a lingua".
Trátase das entrevistas ás poetas cuxos poemas foron musicados ou formaron parte das pílulas curativas.
Preme na imaxe para escoitar as entrevistas!
O 6 de febreiro estivemos representando aos EDLG da EOI e do CMUS no InnovArt25 na Cidade da Cultura de Santiago de Compostela.
Compartimos algunhas das nosas actividades co público asistente, maioriotariamente escolares de educación primaria e secundaria, mais tamén amosaron interés persoal médico do CHUS e docentes doutros centros: O noso Tendal da Poesía, as nosas Pílulas curativas e a fantástica actuación conxunta do Conservatorio de Danza, o Conservatorio de Música e a EOI de Lugo.
A primeira actividade no proxecto (Proxecta+) "Música e poesía: Movendo a lingua" entre a EOI e o Conservatorio de Música Xoán Montes trátase de escoller uns poemas galegos que logo serán musicados polo alumnado e profesorado do CMUS.
Para iso o equipo de EDLG seleccionou uns poemas que logo foron expostos nun tendal e fíxose unha votación por parte de alumnado, profesorado e persoal do centro.
A votación fíxose en modalidade presencial e na aula virtual de EDLG e anunciouse nas redes sociais.
E a empresa de Chantada Daveiga enviounos Galletas Marineras coas que agasallamos a algúns participantes.
Agora o tendal está no CMUS:
Aquí podes ver un resumo da actividade ata o de agora:
O luns 5 de maio vivimos un serán cheo de emocións no acto de clausura do proxecto de innovación “Música e poesía: movendo a lingua” , unha ...
