Acto de clausura do proxecto "Música e poesía: movendo a lingua"

 O día 5 de maio ás 19.00 h terá lugar o acto de clausura do proxecto de innovación en dinamización da lingua do CMUS e a EOI de Lugo "Música e poesía: movendo a lingua" no auditorio Fuxan os Ventos.

Alí poderemos ver algúns dos traballos que se fixeron ao longo deste curso sobre música, poesía e tamén danza.

Animádevos as asistir!

Podcasts "Movendo a lingua"

Iniciamos unha serie de podcasts na Radio Rochoteca, a radio da EOI de Lugo.

Aquí podedes escoitar cousiñas sobre o noso proxecto "Música e poesía: movendo a lingua":

Movendo a lingua

Se queredes podedes escoitar a entrevista feita polas alumnas do EDLG, Laura, Nuria e Sabela, ao profesorado que musicou tres dos poemas do tendal, Borja, Henar e Moisés na Radio Rochoteca, a radio da EOI de Lugo. Un proceso moi interesante!! Lembrade que poderedes disfrutar da música e a poesía do proxecto dos EDLG do CMUS e a EOI o día 5 de maio ás 19.00 h no Auditorio Fuxan os Ventos.

Concurso "Primavera Poética" de ilustración de poemas do Tendal

 

Participación no Ponte nas Ondas

 O día 26 de marzo participamos coa radio escolar da EOI de Lugo no gran evento de radio en directo que organizou Ponte nas Ondas para celebrar o seu 30 aniversario. 

Fixemos unha presentación do proxecto "Música e poesía: movendo a lingua" da EOI e o CMUS Xoán Montes e levamos un adianto do que se vai poder ver no acto de clausura o 5 de maio ás 19.00 h no mesmo auditorio Fuxan os Ventos. A música e a recitación multilingüe de "Oda á Filloa" de Marica Campo.

Aquí podedes ver o programa (mirade a partir de 3h. e 13'):

Día de Rosalía - 2025

Este ano o Día de Rosalía foi un exemplo de traballo colaborativo. O Equipo de Dinamización da Lingua Galega do CMUS organizou un acto no que participamos os EDLG da EOI e do CDAN e que serviu para xuntar poesía, música e danza. E a todo iso puxémoslle flores e árbores. Repartimos caraveis de cores e marcapáxinas cos poemas de Rosalía que Esther, alumna da EOI, recitou mentres se facían improvisacións de música e danza. Tamén se plantou un castiñeiro no xardín do CMUS. Flores, árbores, lembranza do vínculo entre natureza e literatura tan presente na obra da nosa autora máis universal. 

Velaquí unha mostra do acto:

 

A publifotos do CMUS tamén circulou polos tres centros e puidemos retratarnos xunto a Rosalía.

21 de febreiro. Día da Lingua Materna

Co gallo do Día da Lingua Materna, as auxiliares de conversa da EOI de Lugo procuraron tradicións nos seus países que tiveran algunha conexión coas CANTAREIRAS por transmisión oral, tradicións femininas e loita polos dereitos das persoas. 

Escaneade o QR o pinchade na ligazón para coñecer aspectos das linguas maternas doutros países. AQUÍ podedes ver mellor a imaxe.

As Pílulas curativas saen dos nosos centros!

 As Pílulas curativas da nosa Botica da Lingua xa se atopan en varios establecementos de Lugo, Sarria e Vilalba. Xa están a facer efecto na poboación! Que boas son a música e a poesía!