O TENDAL DA POESÍA

 A primeira actividade no proxecto (Proxecta+) "Música e poesía: Movendo a lingua" entre a EOI e o Conservatorio de Música Xoán Montes trátase de escoller uns poemas galegos que logo serán musicados polo alumnado e profesorado do CMUS.

Para iso o equipo de EDLG seleccionou uns poemas que logo foron expostos nun tendal e fíxose unha votación por parte de alumnado, profesorado e persoal do centro.

A votación fíxose en modalidade presencial e na aula virtual de EDLG e anunciouse nas redes sociais.

E a empresa de Chantada Daveiga enviounos Galletas Marineras coas que agasallamos a algúns participantes.

Agora o tendal está no CMUS:

 

Aquí podes ver un resumo da actividade ata o de agora:

Día de Lorca en Galicia

Celebramos o Día de Lorca en Galicia coa gravación dun podcast na radio da EOI do que se encargou Miguel, un alumno de galego que foi coordinado pola súa profesora Noemí. Nel falou da pegada de Galicia no escritor e do caso dos seus Seis poemas galegos, en concreto da "Cantiga do neno na tenda".

Podedes escoitar este interesatísimo podcast aquí: A poesía galega de Lorca

Enquisas sobre os hábitos lingüísticos da EOI de Lugo

Precisabamos coñecer os hábitos lingüísticos de toda a nosa comunidade educativa en relación co uso da lingua galega para mellorar as iniciativas que fomenten a diversidade lingüística. Por iso, animamos a toda a comunidade educativa da EOI de Lugo (alumnado, persoal e profesorado) a cubrir as enquisas elaboradas polo Equipo de Dinamización da Lingua Galega (EDLG) que lles fixemos chegar dende as aulas da EOI e as aulas virtuais.